Thursday, November 22, 2007

كُل الحاجات


نفسي أكتب عن كل الحاجات اللي ما عِشتهاش ، لإن الحاجات اللي عشتها أنا عارفها كويس .. نفسي أكتب عن هزايم مش بتاعتي ، لإن هزايمي الخاصة بتكتبها الدموع .. نفسي أكتب عن واحدة حبيتها قوي و قتلتها علشان أداري ضعفي ... نفسي أشوف ابتسامة حقيقية في وسط البلد .. نفسي أبطل شغل و اقعد في حتة على البحر يقدر الإنسان من خلالها يشوف ربنا .. ربنا اللي عمري ما شفته في القاهرة ، لإن الآلهة فيها أكتر من الهم على القلب . نفسي أدخل سينما ما فيهاش ولا بني آدم و أقلد الممثلين براحتي .. نفسي مابقاش دايما مضطر اختار بين طريقين ، كل واحد فيهم هياخد حتة من ملامحي . نفسي هدومي القديمة تليق عليا لو لبستها من جديد.. و نفسي أكتب جوابات حُب لحبيبتي الأولانية اللي ما تعرفش خطِّي لغاية دلوقت

22 comments:

كراكيب نـهـى مـحمود said...

في عالم الكلمات لا مستحيل هناك نتلقى النبؤات ونصنع التعاويذ
اما في عالم البشر فنحن في مازق التساؤل حول امكانية حدوث ذلك الجنون الخاص بنا جميل وشجي
.

تسـنيم said...

أنت فقط من يستطيع أن يُحدد الممكن والمستحيل


ابدأ بالأصعب ان كنت تريد حقا

Anonymous said...

لوعملنا نقول ياريتنا ما عملنا
ولو ماعملناش بنقول نفسنا نعمل
فى الحالتين ندمانين
لكن لوعادت الأيام تفتكر ممكن نعمل

إبـراهيم ... معـايــا said...

حلو قووووي قووووي قوووي يا طارق باشا :)

كل الحاجات اللي نفسنـا نعملها تظل أحلامًا ، ربما تستطيع أن تحققها مكتوبة كما أردت ، عجبتني ( الآلهة في القاهرة أكثر من الهم ع القلب)، وتدوينة جميلة كعادتـك دااائمًا

* * * * * * *

أنا نفسي أرجع عيـل ... صغير ! ، ولا أكتب، و لا أقرا حتى !!


تحياتي يا طارق :)

مصطفى محمد said...

أنا نفسي أطير .. بجد مش تهريج
تساعدني أطير أساعدك على توصيل جوابك للحبيبة اللي ما تعرفش خطك
اتفقنا؟

mohamed kamal hassan said...

بوست رائع يا معلم

كل ما أخش أنفسن

قصدى أستمتع

((:

شيمـــــاء said...

عجبنى انك واعى ان القاهرة الالهة فيها زى الهم على القلب
بس الالهة دى احنا اللى بنصنعها وللاسف بننسى ربنا

يلا
وانا نفسى كمان
تلاقى كل الحاجات دى
:)

طارق إمام said...

نهى
صح
(:
............................
تسنيم
متشكر جدا
(:
............................

المجهول
(:
............................
ابراهيم
هيييييييييمه
ربنا يخليك يابو خليل
مفيش دواوين جديدة؟ عايزين نناقش
(:
..........................

طارق إمام said...

مصطفى
طلبك صعب جدا
مش عايز يا عم
ههههههههههه
.......................
محمد كمال حسن
يا عم بطل تواضع العظماء ده
دانت مخزن ابداع حتى اسأل " تماثيل الملح " نفسها هتنطق و تقول صح
(:
حبيبي
قشطة عليك
.................................
شيماء الجميييييلة
منورة الدنيا
معاكي كل الحق طبعا
ربنا يخليكي يا رب

fawest said...

ده فى قلبك
تصدق فهمتك
من أول مره شفتك
قلت فى نفسلى
فى حاجات كتير فى الراجل ده عاوزه تطلع
بس لما قريت شريعه القطه
أتخدعت أنك تقرينا طاعت كل حاجه
بس لسه
الى الامام يا صديقى
أبواب الابداع تشطاق لك

سهــى زكــى said...

يااااه يا طارق ، ملعون أبو الزمن اللى خلاك حزين الحزن دا كله ، يا صديقى عمرى الرايح والجاى ، والله العظيم اللى جاى احلى ، وهاتكتب عن كل اللى انت كتب عنه دلوقتى وهاتعيدها تانى ، يعنى النبؤة هاتفضل تتنفذ لغاية ماتموت ، على فكرة يا واد واحشنى موت

we2am said...

mm..elmoshkla heyya:
leh yob2a nefsna fel7aga w man3mlhash?!

باسم شرف said...

ههههههههههههه
القاهرة فيها الهة كتير
قعدت اضحك ضحك
ياعم القاهرة خالية من الالهة بلاش كلام السكندريين ده يا واد عيب بتسيحلنا يعني ههههه
قشطااااات

طارق إمام said...

فاوست
طه الجميل
يا عم ربنا يخليك
انا لسه ما كتبتش حاجة من اللي نفسي اكتبه و الله
ربنا يدينا العمر و نكتب
...............................
الكونتيسة سهى زكي باشا
انا مش حزين يا بنتي
انا زي الفل
بلاش الرقة دي مع واحد متوحش زيي
عوووووو
(:
...............................
وئام
لإننا بشر
بس
(:
.............................
الجنرال باسم بك شرف
هههههههههههههههههههههههههههههههه
و الله مافي سياح و لا حاجة يا معلم
القاهرة دي روحي و انت عارف
الآفيه بس حكمت
هههههههههههه
قشطاط يا زعيم

شيماء زاهر said...

عجبني موضوع الآلهة و حبيبتك إللي ما تعرفش خطك..أكيد بقى كنت بتكتب الجوابات ع الكمبيوتر

:)

صباحك فل و ياسمين

Reham R. said...

ترددت كثيرا قبل أن أعلق.. السبب الرئيسي أن نصوصك أكثر حقيقية من التعليق.. إذن فأنا لست هنا لأعلق على النص كنص، هو بالفعل غير قابل للتعليق -بالمعنى الإيجابي طبعا!-. لكن أنا أعلق على المضمون نفسه: ليس مستحيلا أن تكتب عن أمور لم تعشها، رغم أني أفضل الكتابة عن أشيائي، وليس مستحيلا أن تكتب عن الفتاة التي قتلتها، بل إن ضعفك سيكون مادة قوية جدا للكتابة!، وربما في أحيان نادرة يمكن أن ترى ابتسامة حقيقية في وسط البلد. البحر؟ حضر شنطتك! ربنا؟ لن أعلق، ولكن ربما لو جلست -مثلك- على البحر وحدي ستهمني أمور أخرى.. تستطيع أن تحضر حفلة فيلم في العاشرة صباحا مثلا في سينما مهجورة، وربما ستكون وحدك، أو أن تصاحب عامل بدار سينما! وقلد براحتك.. هدومك القديمة؟ انها تتعلق بملامحك، الطريق الذي أخذ منها جزءا كان من الصعب عليه أن يترك ملابسك بريئة هكذا!، وكان ضروريا أن تبدو فيها غريبا، إنه جزء من كوننا بشر. ربما لم نختر أصلا كوننا بشر، ونبدو كعرائس تتحرك في مسرح بائس حتى تسقط، ولكن هناك من يختار أن يسقط في وقت بعينه، من يختار أن يسقط في صمت، ومن يختار أن يصنع فصلا جديدا عنه بعد السقوط. لا أعرف ولكني أعتبر الاختيار من الحسنات التي أملكها في هذه الحياة، وليس ضروريا أن نتفق.
ولكن سعدت بالتعليق، وأعتذر جدا عن الإطالة!
:)

طارق إمام said...

شيماء زاهر
صباح الفل و الورد و الياسمين عليكي
عايزين نشوفك يا بنتي


(:
........................
ريهام
إطالة ايه بس؟
دانتي عاملة كتابة جميلة و ممتعة و اتضايقت لما خلصت و الله
كتابة موازية و جميلة
أرجو أن نتواصل دائما

princess said...

تصدق يا طارق انا كمان نفسى اعمل كل الحاجات اللى انت نفسك تعملها بس تفتكر حأقدر ..مش عارفه..بس لازم احاول ادعيلى انجح

Salma said...

Hwa I c ur point. bas sometimes mabt3rfsh tb2a 3aref bilzbt el
7agat ely enta 3eshtaha unless u write about it... w a7yanan btb2a 7'an2a 3la nafasak bardoh untill u write about it... or maybe its just me. bas I c ur point

إيهاب رضوان said...

مدونتك رائعة وأسلوبك شيق تلقائى أعد بالمزيد من المتابعة .خالص حبى .

N.. said...

hmm estamta3t b ur blog ennaharda essob7.
da7'alt el post da a2rah l2ano esmo fakkarny b 7aga 3azeeza 3layya awi..
o3'neya :)

elmohem, e7sasak bel cinema da momken 3elago... ana marra da7'alt ana w 7'alty el cinema w lwa7dena..
garrab, rakkez f m3ad men 10 essob7 da, rakkez feeh awi w ra2bo fel cinemaaat...
l3al w 3asa f yome mahoosh momayyaz, taktashef ennak lwa7dak,
fa t3eesh 7yatak b2a ;)

wna kaman ahamm nas leya, maye3rafoosh 7'atty... :S le sababen ma el7kaya di to7'no2 ka2ennohom msh 3arfeen lone 3einak.. aw sotak..

bs eshta homa el 7'asraneen (A)

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول