Tuesday, May 08, 2007

كأنني تلويحة وداع


منذ سنوات طويلة لم أجرب طفولتي .. و اكتفيت بقطع الخطوات اللازمة _ بإخلاص خادم _ لأصير رجلا

تهاجمني هذه الأيام كل الوجوه القديمة ، الغائبة ، لأشباح سنواتي الأولى .. كأنني محض متذكر لم يعد يملك من المشاهد سوى أطلالها .. و من الدموع سوى بقاياها

كأنني لست سوى طفل انتزعوه من سريره _ عنوة_ ليطلعوه على شكل مقبرته

كأنني ذرة رمل منثورة في عين الحياة .. لن تنال منها سوى التفاتة منسية

كأنني تلويحة الوداع التي لا يملك المسافر سواها ليقول لمحبيه أنه قد يعود

......................


عرفت دائما أن الخسارات تبدأ حياتها عندما يجيء النصر

أن كل مقامرة مقبرة

و أن كل التفاتة فخ

و أن القصائد لا تنام إلا تحت وسادة حالم

20 comments:

شيمـــــاء said...

فاكر زمان لما كتبت انا بوست http://sara7a-khan2a.blogspot.com/2006/11/blog-post_28.html

وانت علقت وقلتلى
شيء اني اقرا بوست زي ده في لحظة بفكر فيها بالظبط في كل اللي بتقوليه
و بسأل نفسي الأسئلة ذاتها
يمكن علشان كده فوجئت


انا كمان عندى نفس احساسك وتعليقك

كراكيب نـهـى مـحمود said...

جميل اوي يا طارق
الظاهر ان الشجن الساحر دايما بيخطف انتباهنا ويترك بصمات ثقيلة مؤثرة تبقى في الارواح جميل بجد

بعيد عن البوست بجد بجد شكرا سعدت بمكالمتك واهتمامك بالحضور مستنيه رايك في الرواية كل التقدير

mahmoud said...

و أن القصائد لا تنام إلا تحت وسادة حالم
و كأننى تنويحة وداع كمان؟؟
تصدق إنك أحلى من أغانى أم كلثوم؟
مش ممكن يابنى انت مش ممكن
انا رفعت لك القبعه

Reemo said...

مش عارفه ليه كل البوستات اللى قريتها النهارده بتوجهنى ناحيه اتجاه واحد وبتثير جويا ذكريات من نوع خاص
البوست كتير حلو
تحياتى

إبراهيم السيد said...

قصيدة رائعة




خارج السياق

ممكن تنشر لنا قصايد تانية اكتر من كده

ابراهيم

طارق إمام said...

شيماء الجميلة
طبعا فاكر
أنا كتبت البوست ده و انا في قمة الإنفعال
شكرا لتفاعلك الخلاق
.............................
نهى محمود
صاحبة الحكي فوق مربعات الرخام
ربنا يخليكي يا نهى
واضح ان كلنا بنكتب من مناطق فقد متشابهة
والللللله العظيم كنت جاي الندوة لكن اتزنقت في اجتماع المجلة الخاص بالديسك
انا قريت الرواية طبعا
بكره هكلمك و ندردش
(:
..................................
ريمو
متشكر جدا
و خطوة عزيزة يا ريت ما تتقطعش
...............................
مووووودي الان
ايه يا عم كل ده
وكمان بتعمل دعاية للبوست في بلوجك؟
طب اقول ايه دلوقت؟؟؟؟؟؟؟؟؟؟
والله يا معلم انت بتحسسني اني بعمل حاجة ليها قيمة
صباح الفل يا شيطان الكاميرا
..............................
سيد العارفين
دي مش قصيدة والله
دي مجرد كتابة
احنا اللي مستنيين قصايدك
ايه أخبار ديوانك؟
يارب نشوفه قريب

KING TOOOT said...

لن يجدي نفعا أن تغفو فوق الأحلام
لن يبدي أحدا تفسير لتلك الأوهام
لن يفتح أحدا محرابك
لن يشرب أحدا أنخابك
لن يطلب أحدا أعتابك
في وسط زحام الأيام
_______________
KING TOOOT

rosealia29 said...

كلما ازداد قربك من الحقيقة .. ازداد بُعدك عن نفسك .. و على فكرة قيل أن أجمل السُم ذاك المدسوس في العسل .. و تلك هي الحياة ..


جميل البوست يا طارق .. تسجيل حضور أول مرة من دعاية مودي للمدونة عندك .. و تسجيل كمان إعجاب بدماغك في زمن نااااس كتير مأجرااااه ...



ألف شكر ..

Anonymous said...

عارفه أنه مش ظريف أنى أعلق و أنا مش عارفه أقول إيه
ولا هزود حاجة و لا أضيف شىء

بس عارف لما تقف على كلام
ويستفزك
لأنه بيهزك
و بيفكرك بحاجات كتير



سعاتها تفتح الكومنت عشان تقول و تقول ...بس تلاقى الكام بيطير ...وكل شىء فيه مديح .....وده شىء مش ظريف بالنسبة للتعليق


التعبيرات ...جديدة ....خاصة إلتفاتة الرمل

و الطفل و المقبرة
و
و

عشان كده ..بدور و أقول ....عجبانى
أوى

nour said...

انا لقيت مودى بيقول اللى مقراش بوست طارق امام و ما اتجننش قلت ادخل اتجنن
مودى عنده حق
فظيييع
انا كمان ارفعلك القبعة
انت عقدتنى يا طارق على فكرة

We2am said...

eh ya tare2..bera7a maby3mlosh kida!!
ra23 w fnan w 5a6ar 3la el2mn el3am kal3ada :)

تــسنيـم said...

طارق: هل هذا الشعور هو ما يتبقى لنا بعدما نصل لسنوات النضج ونلتفت خلفنا لنرى السنوات التي ولت ولم نعد نذكر تفاصيلها؟؟

أشعر انني قريبا سأنظر إلى حصاد أيامي كما لو كنت اطلع على رفات دفتر مذكرات قديم كتبه من عاش هذه السنون ولا أملك الا الدهشة او الشفقة احيانا أما التفاعل وكأني أنا من عشت هذه الاحداث فلا أظنني سأحياه..

اننا يا صديقي تلويحة الوداع وحزن المراكب عند الرحيل.

Anonymous said...

أنا بقالي كتير مقريتش كلام بالحساسية دي بس ده طبيعي لأن طارق امام أكتر أديب موهوب ليه الشرف اني أعرفه

qindeel said...

ربنا يخليكوا لبعض

mahmoud said...

طب عشان موودى آلان دى خش شوف المفاجأه و سمعنى رأيك
http://www.flickr.com/photos/moodysworld/

hesterua said...

أحسنت يا عم طارق

عارف

من زمان وتلويحة الوداع دى بتؤلم
الفراق دائما مؤلم
بس ظروف التلويحة دى والنظرة الأخيرة بعدها اللى بنبصها بعد تردد بتبقى صعبة

تحياتى

طارق إمام said...

كينج توت
أنا بفكر أجمع تعليقاتك و انشرها في ديوان
يا عمنا انت بتثريني و الله بالشعر الخلاب ده
يدوم العز
..............................
rosealia
حضور جميل و الله
حلو أوي التعبير بتاع الناس اللي مأجرين دماغهم
متشكر جددددا
وياريت الزيارة ما تتقطعش
............................
نوران
يعني مش نور واحد
منوراني
حيرة البحث عن كلمات حالة صدق
أشكرك
..............................
نور
ربنا ما يجيب عقد
انتي أساسا بلوجك مليان حاجات تعقد
من حلاوتها
ميرسي يا نور
...............................
وئام
يا جابرة بخاطري دايما
ماتحرمش يا باشا
.................................
تسنيم
أخيرا ظهرتي؟؟؟
الزمن فكرة مربكة عموما
لكن تأمله غواية
أو يمكن غريزة تزداد حدتها كلما تقدم الإنسان في العمر و تضخمت جعبته الثقيلة التي يسمونها مجازا : ذكريات
(:
...............................

طارق إمام said...

محمد حماد
أنا اللي أشرف بصداقة صاحب ( الجنيه الخامس ) و ( سنترال ) و الأهم من كل ده الإنسان الحقيقي الموهوب في إنسانيته قبل فنه
..............................
قنديل


...............................
مودي الان
الفنان فنان

دينا فهمي said...

بجد حساها جدا
وعايشاها جدا

وجميلة جدا جدا

Dananeer said...

مش عارفه بجد اقول ايه
ياااه يا طارق