Sunday, April 22, 2007

مثلث الرعب


اكتشفت بالصدفة الصورة العبقرية دي .. كانت منشورة
في التغطية الجميلة اللي عملتها صديقتنا شيماء زاهر للندوة اللي أقيمت لمناقشة ( باسم شرف ) ..
في موقع ( بص و طل ) واسع الانتشار
مبدئيا احنا ما كناش في الحزب الوطني كما يبدو للوهلة الأولى .. لكن كنا في مكتبة مبارك العامة
من اليمين للشمال : المؤلف ( التنك ) باسم شرف .. و مقدم الندوة ( الروش ) تامر عبد الحميد .. و الناقد ( السبور ) طارق إمام
صورة خالدة ستضاف لألبومنا
بالمناسبة انا كنت باصص على ( محمد حماد ) و هوه بيقدم مداخلته .. لكن للأسف الصورة مش جايباه .. و ببتسم لإن محمد فعلا قال كلام كويس .. و ف الحقيقة واضح ان باسم كان متضايق من تامر لأن الكاسكيت بتاعه كان مضايقه و حاجب عنه الرؤية .. الى جانب ان تامر انفرد بالمايك و مرضاش يديه لحد
ههههههههههههههههه
المهم ان أنا براءة في الليلة دي
صباح الفل


15 comments:

باسم شرف said...

ههههههههههههههه
احنا مثلث رعب ههههههه
نسيت تضيف حماد للمربع بتاع الرعب ههه

انت بتنور الندوة دايما ياطروق بكلامك الناضج والرؤية الحادة للنصوص الادبية عامة
وانا كنت سعيد برؤيتك للعمل واضافة جميلة للعمل

شكرا ليك يا معلم ولكل اللي حضرو

bastokka طهقانة said...

بتبتسم؟؟
يبقى اكيد في بنت حلوة كانت بتتكلم
على مين

كراكيب نـهـى مـحمود said...

طروق الصورة فعلا تديي ايحاء بمؤتمر القمة العربيه بتاع سنة 2500
الندوة فعلا كانت جميله وانت قلت كلام قد ايه مهم وله بعد جامد كده من بتاع النقاد
تحياتي لك ولباسم ولتامر بس لما يعمل اللي قلت له عليها ماشي يا تامر

shaimaa said...

براءة ازاى وانت جاى متأخر ساعة و نص ويمكن اكتر يا مفترى

انا لو من باسم كنت خنقتك
:))

بس بجد انا انبسطت فى الندوة دى
ولو انى فى الاول كنت حاسة انى متراقبة
:D

لغاية ما نهى جت وفكت المراقبة

عجبنى كلام باسم فى شرحه وجهة نظره بهدوء و حماس طارق و نقده اللى جاب بيه امثلة

و رجاء خاص
قولوا لتامر ينفذ امنية نهى
انا كمان نفسى فيها
:D

تحياتشى

hesterua said...

بالتوفيق يا جماعة بجد
عاوز احسدكم عشان النشاطات المستمرة اللى عندكوا فى عاصمة المعز

ما شاء الله بجد على وقوفكوا جنب بعض
يا رب دايما

شيماء زاهر said...

بوست جامد جدا...
بصراحة أنا حاولت اتحاشى الخلفية وأنا باصور بس ما كنش ينفع..المشكلة إنك حتى لو شلتها بالفوتوشوب، مش حتنشال من الواقع

صباح الفل :)

Ezzo said...

بجد كانت مناقشة رائعة
وكلامك كان يستحق المتابعة فعلا
انت ناقد وروائي جميل يا طارق
وما انساش باقي المثلثل أو المربع
هههههههههههههههههههه
لأن كلهم مبدعين
يستحقوا الإشادة
ودي بجد بقا
تحياتي

أحمد الشمسي said...

بوست حلو فعلا! خفة دمه أحلى ما فيه! بس الشيء الحلو اللي باين من خلف الصورة ومن بين السطور... حبكم لبعض واهتمامكم بالنتاج الأدبي بتاع بعضكم! اللي باين كمان هو النشاط الثقافي الجميل اللامتوقف في القاهرة، واللي بيخلي الواحد يخبط دماغه في الحيط هنا عشان مش موجود في العصمة في بلد تحكمه المركزية!

Oreka said...

انتوا شكلكوا فعلا كان عامل زى ما تكونوا جايين من نادى التنس
بس الندوة كانت جامدة جدا
وانت يا استاذى قفلت الندوة اصلا بكلامك الجامد
وباسم طبعا كان متألق وهو اصلا زى السكر
انا بس كنت عايزة استفهم عن نقطة هو انت وانت بتتكلم كنت عمال تكتب فى ايه وتسيب القلم وترجع تكتب تسيب القلم وهكذا ههههه فضول!!
للأمام جميعا طبعا
انا انبسطت انى كنت معاكوا بصراحة

وتحياتى ليكوا كلكوا
علا سالم

mohamed kamal hassan said...

أكتر حاجة عجبتنى فى الندوة
طبعًا بعد كلام طارق وتامر
وجود أكتر من كاتب فى الندوة
وعلى فكرة لما بروح كذا مكان
لمناقشة كتاب من جيلنا بلاقى ده
مرة نصحنى كاتب كبير وقالى
حاجوا على بعض
مبروك الندوة يا طروق
ومبروك الكتاب يا بسوم

nael said...

ههههههههههههههه جميلة يا طارق الصورة والكلام.. كل حاجة حلوة جدا.. ماعدا عدم حضوري الندوة.. ياريتني كانت موجود فعلا يا طروق.. انت عارف قد ايه انا حابب الكتاب يا صديقي. وحابب كلامك عنه وعن اي حاجة تانية بتكون حاببها فعلا
نائل

L.E said...

طروق الجميل توأم الروح و الجسد
ايه الحلاوة دي :)
طبعاً هية مش جديدة عليك طول عمرك حلو ووسيم و زي القمر
و فوتوجينيك مووووووووووووت
لكن الصورة دي جامدة بجد
اشوفك عن قريب يا جميل
take care
L.E

iHaB said...

صباح الفل
انت واخد بالك من الصورة فوقيكم ؟
:]

shaimaa said...

مش عارفه ليه حسيت انك ياطارق هترد علي اللي بيتكلم وتقله

شكراا للسيد العضو

:-D

nour said...

هاهاهاهاهاها
حلوة الصورة اوى
بس طبعا بتموتنى من الغيظ علشان انا محضرتهاش
حراااااااااام