Thursday, May 17, 2007

امبارح كان عمري .. سنتين

دي واحدة من صور طفولتي .. طبعا أنا اللي ع اليمين .. أيوه المكلبظ المتختخ ده .. كنت طفل و لا كل الأطافيل ، بغض النظر عن نظرة الدهشة اللي ببص بيها ع الكاميرا .. و اللي تكاد تصل إلى البلاهة . اللي ع الشمال و بتبص بابتسامة وديعة دي أختي الحبيبة لبنى .. أقرب و أحب إنسانة
لقلبي في الدنيا .. و اللي في النص و حاضنانا إحنا الإتنين والدتي طبعا
.........................
أي خدمة (:

22 comments:

كراكيب نـهـى مـحمود said...

انا مش بعرف اليمين من الشمال قعد احاول اعرف فين يمين الصورة
لحد ما قلت حكاية نظرة الدهشة دي قمت عرفتك على طول
اي خدمه

shaimaa said...

حلوة ا لاطافيل دى
بس على فكرة شكلك قبل عوامل التعرية
حاجة تانية خالص

وفل يا طارق
( علشان نهى نسيت تقولها المرة د ى )

rosealia29 said...

عجبتني أوي كلمة شيماء ( شكلك قبل عوامل التعرية ) هههههه و غالباً ده فهمني إنت ليه منزل البوست ده ..



بس على فكرة نظرة الفضول دي .. بتدل على دماغ غاوية تنقر ورا الحاجة لغاية ما تعرفها .. هذا و الله أعلم ..

Dananeer said...

حلوه يا طارق

باحب اوى صور زمان
و الابيض و اسود

بنت مصرية said...

كل سنة وانت طيب يا فندم
:)

تسـنيم said...

حلوة الصورة أووي.. فيها كمية دفا كبيرة وحلو أكتر كلامك عن لبنى ووصفك لعلاقتكم.. والأحلى طبعا احتواء ست الكل ليكم..

ملحوظة: أنا هنا على طووول ومش أول مرة أظهر أنا ظهرت قبل كده بس إنت اللي مش واخد بالك يا فنان

hesterua said...

جميلة الصورة

انت عارف ان الصور ليها عبق خاص كده

بس بجد الصورة دى دافيه ان اصطلحنا ان فى صور دافية

لو انا فهمت صح

يبقى كل سنة وانت كاتب جميل

REEMOO said...

أنا بحب جدا اتفرج على صور
وخاصه لو كانت قديمه ايام الطفوله اوى المراهقه
بس انت كنت اطفيل حلو خالص
:))))
تحياتى

باسم شرف said...

ياصورك ياصورك
ايه يا عم الوسامة دي

اوعي تكون سالف صور صديق ليك عشان تحطها هنا وتقول انها صورك
صديق زي باسم اوعي انا هاعرف منه اذاكانت صورك ولا صوره
هههههههههه
قشطة يا معلم
طلع باقي الصور اللي في الدرج

Amany said...

كل سنة وانت طيب


بس بجد طفل من الاخر لكن ولا يهمك كل نظرات الدهشة بتنقلب عبقرية لما تكبر

ولا ايه

طارق إمام said...

نهى
كده برضه ؟ أمال لو ما كناش اصحاب ؟؟
عموما سماح
قشطة
(:
..............................
شيماء الجميلة
حلو أوي تعبير عوامل التعرية ده
مهندسه بقى
(:
فل يا شيماء
..................................
rosealia

والله معاكي حق
حلو التفسير ده
حسستيني بذاتي
شكرا يا جميل
.................................

دنانير
الأبيض و الاسود هو باختصار : الحنين
مين فينا يقدر يقاومه؟؟
..................................

طارق إمام said...

بنت مصرية
مشرفة و منورة يا فندم
وانتي طيبة و لوني مش عارف بمناسبة ايه؟؟
اوعي تكوني فكرتيني بتكلم عن عيد ميلادي .. ده لسه في أغسطس شهر الحرائق العظيم و عليكي خير
عموما كل سنه و كل الناس الكويسين طيبين
(:
...........................
تسنيم
ربنا يخليكي يا رب
أنا عارف طبعا انك من زواري الدائمين و ليا الشرف
لكن كان قصدي ان بقالك فترة ما بتعلقيش
بورسعيد أجدع ناس
(:
................................
هستريا
وانت أجمل يا مبدع
.................................
ريمو
ربنا يخليكي ياااا رب
................................
باسم شرف
بدأنا النفسنه بقى
يا عم خلي روحك رياضية .. هو انت اكمنك جان يعني تبص كمان للصورة اليتيمة دي؟؟
هههههههههههه
قشطة يا سمسم
هنطلع الباقي انشاءالله
............................
أماني
يارب يخليكي
أتمنى يكون تفسيرك صح
انتي جميلة أوي
(:

qindeel said...

ألف مبروك يا أوساس طارق , و عقبال ما نشوفك كدة ان شاء الله زى مانت عايز و ربنا ينجحلك المقاصد و يكتبلك فى كل خطوة سلامة قادر يا كريم يا التنين مع بعض

ahmedwael said...

كل سنه وانت طيب يا طرووق و ربنا يخلييلك العائله الجميله بتاعتك
وعقبال ما نخش علي بلوج محمود طارق امام ونلاقيه حاطط صوره العائله كلها
وليا طلي عندك طلبه منك باسم شرف
طلع الي في الدرج

ahmedwael said...

ملحوظه
انا كنت فاكره عيد ميلادكبس مش مشكلهكل سنه ونت طيب برضه

KING TOOOT said...

الصورة لحظة و اللحظة فيها ميت صورة
ساعات نكون فرحانين و الوش بنّورة
و ساعات نشوف نفتكر أحداث و ناس غايبين
و ساعات نشوف أرواحنا في الصورة مكسورة
و عجبي
KING TOOOT

AZ said...

هى الناس بتقولك كل سنه وانت طيب ليه يا طارق؟؟؟

أبو أمل said...

ربنا يخليكم لبعض

ده انت كنت امور أوي

خليك امور
ودوس ع اللينك بتاعى
وشرف مدونتى

Anonymous said...

الاستاذ طارق
رواية "طلعة البدن" هي كتاب الشهر في الكتب خان وسوف نقوم بقراءة ومناقشة الرواية مع الكاتب مسعد ابو فجر يو الاحد 27 مايو 2007 الساعة الثامنة مساء. يسعدني حضورك.

شكرا
كرم يوسف
الكتب خان
3/1 شارع اللاسلكي - المعادي الجديدة
519 48 07
www.kotobkhan.com

مادو said...

أطافيل
هههههههههههه
تصدق إن شكلك ما ختلفش كتير لو دققنا في الملامح

طارق إمام said...

ابنناالعزيز قنديل
ذاكر كويس علشان تنجح و تروح سنة تالتة كلية
قادر يا كريم يا الاتنين مع بعض
.............................ز
أحمد وائل الجميل
شكرا يابو حميد
لكن اشمعنى محمود ؟
أنا ناوي أسمي ابني فارس
هنتقابل قريب زي ما اتفقنا
(:
................................
كينج توت
ازيك يا ملك
كالعادة بتضيف للكلام معنى
بتخليه شعر
محبتيييي
.............................
أمينة
وحشاااااااااااااني
بالنسبة لسؤالك
مش عارف
اسأليهم (:
..............................
أبو أمل
مدونتك جميلة بجد
و شاكر اهتمامك الجميل
..............................
مادو
قشطة عليك
أنا بس خسيت للأسف !!!

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول