دولة الرواية قامت في مطروح (:

عزة حسين ــ طه عبد المنعم ــ أنا
شوية تأمل (:

جانب من المائدة المستديرة

... و جانب من الجماهير الغفيرة في الدائرة المستديرة

أربعة أيام جميلة قضيتها في مطروح ، مشاركاً في مؤتمر السرد الجديد في مصر

أبحاث و مناقشات جادة .. و لقاءات بأصحاب يستحيل أن أراهم كلهم في مكان واحد

أما المائدة المستديرة .. بطلة المؤتمر و نجمة شباكه .. فلم أتخيل أن تأتي على هذا النحو .. جماهير غفيرة تحلقت حولنا .. عيون و كاميرات و شغف بالاستماع لنا .. كانت حاجة تخض ..و رغم تمرسي على مواجهة الناس و الانطلاق في الكلام ، لقيت نفسي فعلا مخضوض من الزحمة و كل العيون متوجهة ناحية نقطة واحدة .. كانت ليلة بجد عظيمة .. و ناس جت مخصوص من أماكن بعيدة لمتابعة المائدة و رجعت تاني .. مش ممكن !! بجد كان يوم استثنائي

مش عاوز اتكلم كتير .. و لا عارف .. يكفيني الشاب الصغير اللي جه مخصوص من المنيا لمطروح على حسابه علشان يقابلني و يديني شريطين كاسيت مسجل عليهم وقائع ندوة أقيمت في مركز شباب صغير لمناقشة هدوء القتلة .. و تكفيني البنت اللي جت من اسكندرية و معاها أربع نسخ من الرواية علشان أوقع عليهم ليها و لأصدقائها .. لكني سعيد لأن دولة الرواية ــ حسب تعبير عمنا العظيم خيري شلبي اللي المؤتمر شرف برئاسته له ــ قامت و ازدهرت الآن و عاد لها محبوها و اكتسبت محبين جدد من خلال الرواية الجديدة في مصر

مطروح .. ذكرى لن تنسى أبداً

((: