Tuesday, July 22, 2008

هدوء القتلة في ميريت ... يعني على أرضي و بين جمهوري


اليوم ــ الأربعاء ــ تقيم دار ميريت ندوة لمناقشة روايتي هدوء القتلة

الساعة 8مساء

طبعا الندوة في ميريت لها مذاق خاص جدا

لأنها فعلا على أرضي و بين جمهوري زي مابيقولوا بتوع الكورة

تمنياتي لكم ، و لنفسي بندوة لذيذة خفيفة

و آسف على إعلاني المتأخر عن الندوة في نفس يوم انعقادها

أنا أصلي بقيت عامل زي الجرايد اليومية

عايش اليوم بيومه

((:

عنوان ميريت
ب6
شارع قصر النيل ، بجوار سينما قصر النيل

الدور الثاني

11 comments:

mostafa rayan said...

مبروك يا طروق
بس ينفع كدة يا عم طارق يعني الواحد ان ماكانش يدخل عندك بالصدفة مايعرفش الخبر المهم دة ومايعرفش غير في يومها
ماشي يا عم بس انت ماقولتلناش مين اللي هيحضر في الندوة ومين الضيوف وكدة
سيبك انت انا فرحان اني اول تعليق عندك .. دي احتفالية في حد ذاتها
مبروك تاني يا عم طارق

!!! عارفة ... مش عارف ليه said...

مبروك مقدماً
إن شاء الله

حقيقي كان نفسي احضر
لكن مع الأسف في ظروف تمنعني من الحضور

البركة فيك تنقل لنا صوره عن اللي حصل هناك

دومت بكل خير
ومن نجاج إلى نجاح

وليد

أسماء علي said...

وبعدييييييييين

مفيش ميعاد يناسبني أبداااا

كده كتير على فكرة

على العموم مستنية انك تنقلنا اللي حصل بالظبط

وكل احتفالية وانت مبدع

Anonymous said...

قل يا نجم
دة تعليق تاني بعد ماحضرت معاكوالندوة اللي كانت بجد مثمرة واكيد احنا وانت استفادنا من التعليقات والأراء اللي اطرحت
مش هقولك علىرايي لأني قولتهولك امبارح
لكن هقولكفرحان اني قابلتك وفرحان انك لاقيت فكرة الرواية الجديدة واكيد دلوقتي بتتمر في دماغك لكن بلاش نستني خمس سنين كمان علشان نقرأه
امنياتي ليك بكل الخير يا طارق

شادي أصلان said...

ماشي ياعم طارق الف مبروك
بس هو يعني علشان معرفتش اجي يبقي مفيش ولا صور ولا تغطية فين ياعم التغطية عايزين نتفرج
يعني نبقي لحقنا اي حاجة من الليلة الي قطعاً كانت جامدا جدا جدا جدا

راندا رأفت said...

شكرا يا طارق على الرواية

حقيقي من أجمل الروايات اللي قرأتها

سواء من حيث الأسلوب أو الفكرة
استمتعت بكل صفحة فيها

في انتظار روايات قادمة
وتكون احلى واحلى

تقديري

Mony The Angel said...

b2aly kteer gedan magtsh hna :)

Mabrook ya tare2 :)

akeed kan nfsy akoon mawgooda :))

bas ma3lsh b2a..

عاشقة القمر said...

سلامو عليكوووووو
الراوي الجميل .. صاحب اجمل خيال في الدنيا .. طارق إمام
بداية تعريفا بأنا مين .. فأنا عبير عادل اللي مزهقاك على الفيس بوك
:)
وأخيرا أخيرا أخيرا قدرت احصل على نسخة من هدوء القتلة وأقراها .. مش قادرة اقولك كنت فرحانه ازاي اول ما مسكتها اخيراااااا وضمنت وجودها معايا بعد طول الانتظار ده في البحث عنها ..
حلوة اوي والفكرة جامدة جدا وحبيتها موووت .. صحيح توهت فيها كام مرة بس كنت برجع بسرعة اركز وعجبتني جدا
كالعادة رغيت .. بس حبيت اجي واقولك اني أخيرا قريتها بعد ما زهقتك سؤالات عنها
ممكن ممكن ممكن اقول حاجة تانية كمان بسرعة قبل ما امشي وقبل ماحد يدخل يقولها قبلي ..
كل سنة وانت طيب أيها الراوي الرائع وعقبال مليووووووون سنة في صحة وسعادة ودايما تمتعنا بحكايات جامده
الرغاية عبير
:)

Anonymous said...

مبروووووووووووووك

Ahmad Abdulatif said...

صديقي الجميل طارق
انتهيت من " هدوء القتلة "
أما عن رأيي فسأخبرك به عندما اراك قريبا

Anonymous said...

هدوء القتلة
http://ashekelkahera.blogspot.com/