Thursday, April 10, 2008

معقول كل الناس دي بتحبني ؟؟

طاهر ــ طارق ــ محمد
سالم الشهباني ــ طاهر ــ محمد أبو زيد ــ طارق
يوم 7 ابريل كان من الأيام الجميلة في حياتي .. حفل التوقيع في مكتبة ديوان الزمالك كان تحفة .. حضور ضخم .. كل الأصدقاء كانوا
موجودين ..تغطية صحفية و إعلامية مكثفة .. و فوق كل ده معايا صديقين بحجم محمد فتحي و الطاهر شرقاوي .. طب الواحد عايز إيه أكتر من كدة ؟؟
بشكر كل أصدقائي اللي نوروني و حسسوني بالدفا .. من عمر طاهر صديقي التاريخي اللي عمللي مفاجأة جميلة وجه أول واحد ومشي آخر واحد، لشادي أصلان أحدث صديق حقيقي عرفته .. و من رفيق الكفاح أحمد العايدي للنسمتين : مي بهاء و مشيرة محمود
..............
بشكر أسماء هذا الجيل التي منحت اسم طارق إمام معنى بينها : باسم شرف و محمد أبو زيد ، العايدي و نائل الطوخي و محمد عبد النبي ، هاني عبد المريد و محمد الفخراني ، سهى زكي و نهى محمود وسمر نورو سالم الشهباني و غيرهم
.................
كل الشكر لجريدة البديل اللي عملت تغطية محترمة و احتفت بينا بشكل غير مسبوق
كل الشكر لجريدة الدستور التي غطت الحفل أيضا بشكل جميل
................
كل الشكر لكل بني آدم اشترى نسخة من روايتي بفلوس كان ممكن يشتري بيها حاجات تانية
كل الشكر لكل واحد قرا سطر كتبته ، أو كتب عن حاجة كتبتها
شكرا لكل اللي ساهموا ف نجاح الرواية و منحوها لقب : الأكثر مبيعا
..............
أنا ممتن
الفوتوغرافيا للصديق العزيز محمد أبو زيد

34 comments:

الصمت الحزين said...

ولم لا؟؟
والكاتب يسحبنا كما يسحب
العجوز السمكة
الي الشاطي في رواية همنجواي
فنصل عظاما
=======
يعترفون وسط ضوء الشموع الخافت نظيفين ونادمين بما تسمح به حدود اللياقة والقدرة علي مواجهة النفس
ثم تسمع في الليل تنهداتهم واصوات خطاياهم
وصفا لاحاسيس ما تحت الجلد

الله عليك يا استاذ
=========

hesterua said...

الف مبروك يا طارق يا فنان
بالتوفيق وعقبال الطبعة العاشرة واللى بعدها كمان

صدقنى مش مجاملة انت من اجمل واجمد الكتاب الشباب اللى قريتلهم

بالتوفيق

طارق إمام said...

الصمت الحزين
المقطع اللي استشهدتي بيه من شريعة القطة أنا بحبه جدا
أشكرك
انتي قارية شغلي أحسن مني
(:
أشكرك على كل هذا التقدير
و اسمحيلي أمنحك اسم مختلف
الصخب المبهج
((:
................................
أحمد
ربنا يخليك يا صديقي
انت واحد من الناس اللي وجهتلهم الشكر بجد
ووجودك جنبي يوم حفل توقيعي في المعرض كان شيء رائع
كل الشكر يابوحميد
(:

الصمت الحزين said...

العفو يا فنان
اصل انا مش بقرا الرواية
انا**أكلها كما ياكل الليل النهار**ادام
الله عليك عمق الحكيم وفلسفة محفوظ وتفاصيل صنع الله ابراهيم وحلم كويلهو وخيال ماركيز و.....ابداع طارق امام

Anonymous said...

ألف مبروك ياطارق...واحنا سعداء اننا كنا جزء من فرحتك باليوم ده، ولو ان احنا كمان فرحتنا مبتقلش عنك في اننا نكون مع كاتب زيك وفي ضيافة عمل عبقري زي "هدوء القتلة"
مشيرة

maii bahaa said...

ميرسي ياطارق على ذوقك
سعيدة إني كنت جزء من اليوم الجميل ده
تمنياتي لهدوء القتلة أن تظل الأكثر مبيعا....وتمنياتي لك أن تظل الأكثر إبداعا

محمد صبحى said...

والله ياطارق باشا كان نفسى أحضر لكن إنشغلت بواحد زميلى إتخطف يوم الإضراب

ألف مبروك
و تحياتى ليك يافنان

The Alien said...

هدوء القتلة من أفضل ما قرأت مؤخرا
ولقيت نفسي فيها أكتر من مرة

سعدت جدا بلقائك
وأتمنالك كل التوفيق
تحياتي

hainz said...

الف مبروك يا طارق
انا فرحان قوي
صديقك القديم
هانى مقلد

hainz said...

علي فكره ايميلي
hany_maklad@hotmail.com
يا ريت تبعتلي تليفونك

مصطفى السيد سمير said...

احنااللي نشكرك
على كل حرف تعبت فيه
عشان تسعد ناس متعرفهمش

KING TOOOT said...

الكلمة حق .. وصوت الحق لو كلمة
بيشق شق .. جدار الظُلم و الضَلمة
الحبر يجري ع السطور و يشع نور
و النور يشيل م السكة ليل أسود و عتمه
و عجبي
KING TOOOT

أسما عواد said...

هالو
بالنسبة للرواية انا لسه بقرأ فيها
أما الحفل فكان جميل جدا بيك وبأصحابنا
يا رب نجاح تاني وتالت يا طارق
اسما

طارق إمام said...

الصمت الحزين
شكرا شكرا شكرا
(:
.........................
مشيرة محمود
ده كتيييير يا مشيرة
ليا الشرف اني أعرف إنسانة زيك بجد
(:
...........................
مي باشا بهاء
انتي دايما منوراني و مشرفاني
ما يحرمنيش من ذوقك و جمالك ياااارب

طارق إمام said...

محمد صبحي
ولايهمك يا جميل
تحيتك دي كإنك جيت بالظبط
و ألف سلامة على زميلك
يارب يكون دلوقت كويس
شكرا يا محمد
..........................
the alien
سعيد ان الرواية عجبتك
كلللل الشكر على المحبة دي
...........................
هاني مقلد
واحشني يا فنان
هنتواصل أكيد
.........................
مصطفى سمير
أخجلتني يا مصطفى
ربنا يخليك
و الناس اللي معرفهاش دي هي اللي خلت كلامي موجود
أنا اللي مفروض اشكرهم واحد واحد و الله
(:
..............................

طارق إمام said...

كينج تووت
يسلملي فنك و شعرك
و جمالك
............................
أسماء عواد
منوراااني
رجعتي من أسيوط ولا لسة؟؟
((:
مستني رأيك
قشطة يا أسما

Reham R. said...

بس أنا مقرتش هدوء القتلة، عشان كنت أول واحدة على الفصل، ورحت المعرض أول يوم ومكانتش لسا نزلت :(
ويذكر في ذلك، اني سبت سندويتش الفول بتاع الفطار في الكافيتريا، ورحت أدور على الصالة اللي فيها منفذ ميريت، وأني لفيت الصالة أربع مرات لأنهم مكانوش لسا حطوا أي إشارة فوق المنفذ يقول ان دي ميريت، ولما قلت للراجل اللي هناك: دوختوني ليه مش حاطين يافطة؟ قالي: الأغلفة باينة يا أستاذة!!! طب وافرض الأستاذة نظرها ضعيف مثلا؟؟
ده ذنبي يعني؟
عموما، واضح أوي اني عملت اللي عليا وزيادة، انما شكلك مش مسامح فيها
:(((
مبروك بأة، وكل التوفيق!!

mostafarayan said...

انا بقرأ قصصك في الدستور
وان شاء الله هشتري الرواية
الف مبروك بس قول لبتوع ميريت يوزعوها في اماكن كتير وكمان بلاش تغلوا السعر
تحياتي وامنياتي الطيبة لك

just name said...

انا بجد مش عارف اقولك ايه
اسمك بجد بينور اي كلام مكتوب
وياعمي انا الي صداقتي ليك شيء يشرفني جداجدا جدا بجد

شادي اصلان

بدويه said...

110 أيام في المعتقل بلا سند قانوني

يدين الموقعون على هذه المذكرة من المثقفين والسياسيين والنشطاء إستمرار إعتقال الأديب مسعد أبو فجر (مسعد سليمان حسن حسين) والذي إعتقل من منزله بمساكن هيئة قناة السويس بمدينة الإسماعيلية في 26- 12 -2007 بتهم ثبت للقضاء أنها مفتعلة، وذلك رغم صدور أكثر من قرار قضائي بالإفراج عنه من محكمة جنايات الإسماعيلية في القضيتين رقمي 1538 و1925 لسنة 2007 ادارى رفح.
وفي إهدار فج لقدسية أحكام القضاء، ورغم مطالبة عشرات المثقفين و14 منظمة حقوقية بإطلاق سراحه إحتراما لأحكام القضاء، إلا أنها فوجئوا يوم 24 - 2- 2008 بصدور قرار بإعتقاله وترحيله إلى سجن الغربنيات ببرج العرب، ليوضع بين السجناء الجنائيين.. بلا تهمة، في إنتهاك صريح لأحكام الدستور والقوانين والمواثيق الحامية للحريات وفي مقدمتها حرية التعبير عن الرأي.
وإذ يطالب الموقعون على هذه المذكرة السيد المستشار/ النائب العام بإستعمال سلطاته لحماية حقوق المواطنين التي كفلها الدستور، فأنهم يعبرون عن إنزاعاجهم الشديد من الملاحقات غير القانونية التي تتعرض لها أسرة أبو فجر.. أطفالا ونساءً ورجالاً، من الإستيلاء على سيارته الخاصة بدون مبرر قانوني، إلى إعتقال شقيقه احمد رغم قرار النيابة بالإفراج عنه، مرورا بالإقتحامات المتتالية لمنزل العائلة وإرهاب والديه المسنين.
ويناشد الموقعون كل المنظمات الحقوقية والأهلية التعبير عن تضامنها مع أبو فجر وعائلته، كما يطالبون كافة سلطات الدولة الإلتزام بالنصوص الدستورية والقانونية التي تحمي الحريات العامة، والتحقيق في الإنتهاكات التي تعرض لها أبو فجر وأسرته.

تحريرا في يوم السبت 19-4-2008

الموقعون
1- صنع الله إبراهيم. أديب
2- بهاء طاهر. أديب
3- محمد البساطي. أديب
4- عادل السيوي فنان تشكيلي
5- علاء الأسواني. أديب
6- مجدي أحمد علي. مخرج سينمائي
7- حمدين صباحي. عضو مجلس الشعب
8- سعد عبود. عضو مجلس الشعب
9- سامي السيوي. سيناريست
10- جورج إسحق. المنسق العام المساعد لحركة كفايه
11- د. محمد بدوي ناقد/ أستاذ جامعي
12- رؤوف مسعد. أديب
13- د. نبيل عبد الفتاح. مساعد مدير مركز الأهرام للدراسات الاستراتيجية
14- محمود الورداني. أديب
15- د. يحي القزاز. أستاذ بعلوم حلوان
16- محمد شهدي. فنان تشكيلي
17- أمين اسكندر. باحث سياسي
18- محمد بيومي. أمين حزب الكرامة بالقليوبية
18- وفاء المصري. محامية
19- محمد سامي. رجل أعمال/ عضو مؤسس في حزب الكرامة
20- عبد العزيز الحسيني. عضو اللجنة التنسيقية لكفايه
21- حسام رضا. أمين حزب الكرامة بالإسماعيلية
22- كمال أبو عيطة. قيادي نقابي
23- عبد العظيم الورداني. مترجم
24- أحمد العايدي. أديب
25- محمد خير. شاعر
26- سعيد عبيد. موسيقي
27- سيد محمود. ناقد أدبي
28- محمد هاشم. ناشر
29- إيهاب عبد الحميد. أديب
30- حمدي أبو جليل. أديب
31- خالد البلشي. مدير تحرير جريدة البديل
32- ياسر الزيات. مدير تحرير جريدة البديل
33- ياسر عبد الطيف. أديب
34- أحمد اللباد. فنان تشكيلي
35- عبد العظيم المغربي. عضو إتحاد المحامين العرب
36- وائل عبد الفتاح. صحفي
37- محمد شعير. صحفي
38- هاني درويش. صحفي
39- زين خيري شلبي. شاعر
40- خالد حريب. صحفي
41- محمد الزرقاني. صحفي
42- جمال عيد. مدير الشبكة العربية لمعلومات حقوق الإنسان
43- محمد طعيمة. صحفي

التجمع امام مكتب النائب العام بدار القضاء العالى الساعه 12 ظهرا يوم السبت 19/4/2008 روايتك جميله ياطارق ومسعد قراها وهو فى المعتقل انا ارسلتها له عسى الله يوفقك ونشوفك فى حفل نوبل انشالله.

أحمد منتصر said...

قصة القرصانة المنشورة بآخر عدد من الدستور الأسبوعي تحفة يا طارق

ربنا يباركلك يا رب :)

شيمـــــاء said...

:)
كان نفسى احضر
بس على العموم
مبروك

على فكرة انا مخلصاها بقالى فترة
:) بس من غير توقيع سيادتك
زى كل مرة

طارق إمام said...

ريهام رجب
مش مسامح طبعا
!!
يعني هو مافيش أيام بعد يوم المعرض؟؟
مافيش نزولة في وسط البلد ؟؟
ماشي يا ريهام
عموما مستني رأيك فيها
إزاي بقى مش مشكلتي
((:
...............................
مصطفى ريان
متشكر يا مصطفى
و يسعدني انك تقرا الرواية
هي متوفرة بالمكتبات
كل التحية لك
و أرجو ان نتواصل دائما
................................
شادي أصلان
ربنا يخليك يا شادي
انت بجد مكسب ليا
بوعيك و انسانيتك

طارق إمام said...

بدوية
مسعد صديق حميم
و أخ
و انا وقعت على بيان سابق في نفس الصدد
و أتمنى انه يخرج قريب لكل أحبائه
و كونه قرا روايتي في الظروف اللي بيمر بيها دي ، و هو في المعتقل ..شيء يمثلي حاجات كتير ماقدرش اوصفها في كلام
كل الشكر لك
و تحية ممدودة لمسعد أبو فجر صديقي و أخويا
الكاتب و المناضل

طارق إمام said...

أحمد منتصر
منورني يا احمد
فرحان ان القرصانة عجبتك
(:
يارب اكون دايما عند حسن الظن
و خلينا نتواصل دايما
(:
............................
شيمااااااااااء
يارب يخليكي
انتي دايما أحسن مني
و عموما التوقيع محفوظ
و لو عايزة ابصملك كمان مستعد
((:
اظهري و باني عليكي الأمان

Reham R. said...

ههههههههههههه
ولميريت ذكريات أسوأ وياريتك ما فكرتني!!
كفاية أقولك اني لفيت على رجليا المسكينة في وسط البلد خمسة وأربعين دقيقة كاملة -بعد يوم عمل مزدحم من 8 الصبح ل5 بالليل-، بحثا عن ميريت، وكان هذا يوم البحث عن بابل، مكنتش أعرف ان المفتاح مفقود! والمرة اللي بعدها في مناقشة البحث عن المفتاح. ومن يومها معتبتش الرصيف دا من قصر النيل أصلا! وجالي منه أزمة نفسية ومن ميريت اكتئاب يظهر في صورة وجع في الضهر والرجلين، وحزن غير معروف مصدره!
منجيلكمش ف حاجة وحشة
والله أنا كمان مستنية أعرف رأيي في الرواية، ازاي بقى؟ مش مشكلتي!!

طارق إمام said...

ريهام
هههههههههههههههههههههههههههه
انا بجد هموت من الضحك
يا ستي أنا هسيبلك نسخة بس قوليلي اسيبهالك فين
..............
أسيبهالك في ميريت؟؟
((:

أسما عواد said...

رجعت يا طارق ورجعت معايا روايتك الجميلة
ايه ده
" هكذا ظل يتوهم حروبا لم يخضها ، ويحتاط لأشخاص لن يراهم أبدا " أدهشتني يا ولد
الطاهر كان عنده حق لما قالي انها رواية جميلة جدا سأنتهسي منها اليوم .. سأعبر عن رأيي بها في مدونتي الجديدة
يا رب استر ومتكونش فضيحة
أسما

Reham R. said...

لأ يا أستاذ طارق أنا ميرضنيش والله، وتدب المشوار لحد ميريت ليه؟
سيبهالي في المعرض
:((((

إبـراهيم ... معـايــا said...

اسمي مش مكتوب يا طارق بيـه ، ماشي يا عم :)

طارق إمام said...

أسما عواد
ربنا يخليكي يا أسما
مستني رأيك جددددا
و شكرا لطاهر الجميل
............................
ريهام
((:
بجد قوليلي ممكن اسيبهالك فين
كفاية ذل
(:
..........................
إبراهيم
أحلى سلام و أجدع تحية للمبدع ابراهيم أبو زيد

Reham R. said...

ههههههههه بصراحة دا سؤال صعب أوي
يعني طب مفيش اختيارات؟
يعني لو كنا عايشين ف بيت واحد مثلا كنت قلتلك سيبهالي ع الكومودينو، لو كنا بنشتغل ف حتة واحدة كنت قلتلك سيبهالي مع عم رمضان، انما الواقع ان الحاجة الوحيدة المشتركة بيني وبينك وبين هدوء القتلة هي ميريت! يعني انت مش بتسألني، انت بتشتغلني، انت بتسألني سؤال ملوش غير إجابة واحدة، يعني الوحيد الواقع عليه فعل الذل هنا هو أنا :(((
انما حتى الإجابة الواحدة دي غريبة جدا، هتسيبهالي ازاي ف ميريت وميريت دار النشر أصلا؟ هي نفدت من عند هاشم؟؟ ربنا يكتر قراءك!.ولو مكانتش نفدت، إيه الفرق بين انك تسيبهالي ف ميريت وأروح أنا أجيبها من ميريت، وبين اني أروح ميريت على طول زي أي قارئ عادي؟ والله العظيم انت بتشتغلني هههههههههههه
وقد آن للشاعر أن يقتل نفسه، لا لشيء سوى لأنه مش فاهم حاجة خالص من طارق إمام!!!

nour said...

انا كنت موجوده كمان
:)))

Blogger said...

eToro صفقات التداول المفتوحة في 227,585,248

تداول من أي مكان وقتك ثمين. تداول من خلال الكمبيوتر أو الجوال أو الكمبيوتر اللوحي