Friday, November 03, 2006

أكتر شيء ممكن يثيرني مشهد صامت لكن فيه حضور انسان..حضور خفي لكن موجود
مين اللي ركن ( عجلته ) و خرج من الكادر قبل التقاط الصورة مباشرة ؟ و راح فين ؟ يمكن موجود ورا الباب ده..يمكن رجع أخد العجلة و مشي تاني من غير ما يعرف اللي حصل .. و يمكن هوه نفسه اللي لقط الصورة بكاميرا كانت معاه
المهم انه موجود
مستخبي ف ركن ضلمة , أيوه ضلمة , و بيدور على نفسه في المشهد زينا بالظبط
كل مشهد حكاية
شجن بيتحرك ورا الحاجات الخرسا
كإنه ملاك
أو شبح

12 comments:

^ H@fSS@^ said...

هي فعلا حلوة
و كمان اسالتك نبهت الواحد لروح الصورة
تحياتي

طارق إمام said...

hafsa
متشكر جدا

باسم شرف said...

انا شفت الصورة قبل كده لكن اول مرة اشوفها حقيقي بعد البوست ده

انا اللي سرقت العجلة دي

شيمـــــاء said...

صاحب العجلة واقف على الشمال
قدام اللى بياخد الصورة وحابب عجلته وخايف عليها
ده اللى شفته

جميل اوى تفسيرك للصورة
اول مرة اشوف حد بيحس الصور
زييى وبيفكر فيها كده

تحياتى على البوست الجميل ده

حنيــــــن said...

عجبنى انشغالك بما خلف الصوره

قليلون هم من يتوقفون عند اللفتات الصغيره

اقولك سر ؟
انا اوقات كنت بقلب الصوره اشوف فيه ايه وراها

كفايه احراج كده

تحياتى على الرؤيه الممتعه دى

AZ said...

او يمن يكون سفاح.. او حرامى غسيل ركن العجله وراح يؤدى مهام وظيفته
جربت تعمل موضوع الاحتمالات ده وانت راكب مكروباص؟؟؟؟؟؟؟؟ انا لو قاعده فى اول كنبه بقدر اشوف بعض الركابمن مراية السةاق.. بقعد ابص فى وشوشهم واخمن الناس دول راحين منين لفين... فكرت مره اكتب قصه قصيره عن الموضوع ده بس مكسّله...
باسم شرف: وانا اللى هبلّغ عنك.... امسك حرامىىىىىىىىىىىىى

كراكيب نـهـى مـحمود said...

انا مغرمه بالصور اللي من غير ألوان
ده عن الصورة اما عن التساؤلات التي اثارتها الصورة دي جواك
ياه قيس ده على كل الغيبيات التي يلفها الغموض في حياتنا
من الواضح اننا بنحتاج الغموض علشان يثير جوانا احساس الجمال - التأمل- يمكن الشجن
بجد بوست عميق اوي - تحياتي

طارق إمام said...

باسم ..صديقي اللص
كان قلبي حاسس ان انت اللي سرقتها
هات السلطانية بقى علشان أجيب الزبادي

شيماء
فكرتك حلوة مووت
حنين
شككككرا
من صورتك للمدونة الجديدة واضح انك بارعة فوتوغرافيا

كراكيب
thaaaanks

az
والله فكرة حلوة اكتبيها
دماغك سم ..

محمد أبو زيد said...

الحضور الحقيقي للعجلة يا طارق ، تحس إنها هيه اللي مستنيه

Anonymous said...

بلوج جميل و رائع لكاتب أكثر روعة...عجبني اوي بجد البلوج بتاعك و كتاباتك الرائعة بالذات "ذاكرة خواء"...لأنها بجد بتظهر قد ايه الفنان حساس ،و قد ايه بيتأثر بكل تفصيلة في حياته مهما كانت صغيرة أو تافهة في نظر الكثير من الناس ...انا شايفة انك فنان بكل ما تحمله الكلمة من معنى...إلى الأمام دائماً.
wind_beneath_my_wing

طارق إمام said...

محمد أبو زيد
ممممم...مكن
أنونيمس
ألف شكر يا ستي ع الكلام ده ..و لوننا متعرفناش!

Anonymous said...

بلوج حلو اوي
أنا قريت لك حاجات كتير في اخبار الادب و الدستور و مجلات كتير
بس البلوج ده مختلف
ذاتي
انا ملاحظه ان كتاب الجيل ده شكلهم كمان حلو زيك انت وباسم ...أمامير
يفتحو النفس ع القراية
والله مش بهزر
شكرا
رباب السمري