Friday, November 24, 2006

..! الله يبارك فيكو
مكالمة هاتفية من الصديق الحميم ( نائل الطوخي ) أخبرني فيها انني فزت بالجائزة الأولى للمسابقة الأدبية المركزية لوزارة الثقافة , عن مجموعتي القصصية الجديدة ( غرف القباطنة لا ترى البحر ), و هي المرة الثانية التي أفوز به بهذه الجائزة التي حصلت عليها عام 2003 .. و بإضافة جائزة سعاد الصباح عام 2004
أكون قد حصلت على ثلاث جوائز و احتفظت بالكأس إلى الأبد.. ههههههههههه
بيني و بينكو الواحد مبسوط.. ر غم اني مكنتش أبدا من هواة الجوائز لكن قلت انا بتقدم بشغلي ( يعني مش بفصل قصص على مقاس الجوايز ) و بالتالي لو فزت أفرح ,, و لو خسرت مش هزعل
بكده يبقى حصل حاجتين حلوين الشهرده ,, فاز النادي الأهلي ( حبيب قلبي )بكأس افريقيا .. مع الاعتذار لكل أصدقائي الزملكاوية و على رأسهم عمر طاهر و باسم شرف..و أخدت الجايزة
و بيني و بينكو لا يخلو الأمر من قرشين أبيضين
أما المفرح _ بجد _ فهو فرحة اصحابي..باسم كتب بوست ..محمد علاء الدين طلب نصا من المجموعة لنشره في مدونته ..عبدالله أحمد بحماسه الجميل قال لي مبرووووووك من القلب ..وائل سعد قال لمجدي الشافعي اللي منحني حضن كاد يكسر عظامي من انبساطه..و محمد حماد قرر يعملي حفلة _ الحمد لله هتكون على حسابه _ و تامر عبد الحميد و محمد عبد العزيز معبرونيش حتى بحاجة ساقعة هههههههههه
لا أجد في النهاية سوى الكلمات الأثيرة للاعبي الأثير محمود الخطيب يوم اعتزاله : ألف شكر .. أنا ما ستحقش كل ده
بجد بجد ..شكرا لكل اصحابي اللي الواحد عايش بيهم في الدنيا الصعبة دي

24 comments:

لبنى said...

طروووق الجميل توأم الروح و الجسد
و بقولها النهاردة بقة و بصوت عالي أوي...
ألف ألف مبروووووووووووووووك
و متقولش انك متستحقش
لأ انت تستحق و تستحق أكتر من كده بكتيييييييييييير أوي
لانك مش بس فنان جميل لأ...انت كمان انسان جميل و حط تحت انسان دي مليون خط
بقولك ايه...هو انا مش معزومة في الحفلة دي :)...لأ انا بس كنت بسأل يعني

AZ said...

اما فى بلدنا الطعمه دى واحد ياخد جايزه منغير كوسه ولا عند عشان واحد تانى ماياخدهاش ولا استخسار عشان ماتترميش...يبقى اكيد يستحقها... انا سعيدة جدا ان رأيى فيك ككاتب طلع صح.. والدليل اهه... اهووووووووووووه .. ولا سحر ولا شعوذه وابو طارق العجيب رجع من تانى... مبروك يا باشا... ليك فى ذمتى علبة فاتح شهية عشان تعرف تلغ كويس فى الحفله نياهاهاها

شيماء زاهر said...

مبرووك..قد فوز الأهلي بالكأس وفوز الزمالك من سنتين ثلاثة كده بالكأس برضه..! مبروك كبيرة وبلدنا حلوة أوي يا طارق و تستحق :)

Anonymous said...

ألف مبروك يا طارق

فعلا فرحت لك جدا

ربنا يزيدك و تنجح كمان و كمان

و ألف مبروك تاني

داليا

Anonymous said...

الف الف مبروك يا معلم
عقبال نوبل

Anonymous said...

ألف مبروك يا طارق ، ومن نجاح وتألق لآخر
فعلاً يا بخت الجايزة بيك
..إحم
قلت هتعزمنا فين؟

Anonymous said...

100000 mbrok..we rghm enny m2retsh lessa..lakn wad7 mn ur blog enk mwhob we tst72ha

shaimaa said...

الف مبروكككككككك يا طارق
وعقبال كده لما تبقى حاجة كبيرة اوى
انا مش عارفة اد ايه يعنى ؟؟
المهم تبقى كده شئ و شويات
والقرشين الابيضين يبقوا قروش
و متنسنيش فى حلاوة الجايزة لو سمحت
:D
و تحياتى لصحابك الحلوين دول
خللى بالك منهم
ربنا يخليكم لبعض

محمد أبو زيد said...

ألف مبروك ياطارق
إنت مبدع رائع

Ahmed Shafie said...

ألف مبروك ياطروق. بقيت باعرف أخبارك من الإنترنت، زمن وضيع!!!

Anonymous said...

الف مبروووووووووووووووووووك
لايضيع الله اجر من احسنا عملا
رضوي

Anonymous said...

tab esh6a..el 7war 6el3 feh FELOOOOOOOOOOOOS YA GED3AAAAAAAAAAAAN :D ana habrsha6 3al 3zooma deh :D
congratulations gamda gedan ya tare2 pasha..enta testahelha fe3lan..ayan kant baldna..fa esh6a lama teftkrk"w enta lessa 3aish :D"
alf mabroook..3o2bal malnas t2ol esmk m3a nageeb ma7fooz ;)

حنيـــــــن said...

مبروووك

انا لسه ما قريتلكش حاجه غير تدويناتك والصور العبقريه اللى بتعرضها علينا

بس اكيد كتاباتك متميزه

انا عرفت الخبر من مدونة باسم وجيت هنا بس انت ماكنتش قلت حاجه لسه

يابختك باصدقائك
دى برده جايزه كبيره اوى اكبر من اى جوايز

مبروك

AZ said...

حنين: ممكن تجيبي شريعة القطة من دار ميريت ٦ب ش قصر النيل-وسط البلد.... انا حاطه مقطع منها عندي علي البلوج لو عايزه تاخدي فكره عن كتابات طارق إمام الأدبية
وكان ليه قصتين منشورين في البلوج بتاعه الكتابة تنين اخضر بشنب بنفسجي بتاعه محمد علاء

ME said...

ألف ألف مبروك .. بجد تستاهلها .. رغم إنى مش قادرة أتحصل على كتبك بس من خلال المدونة و ندوة حضرتها كنت موجود فيها وانا بسعد بكلامك .. بالمناسبة هل انت نفس "طارق إمام" فى مجلة الشعر ولا تشابه أسماء؟
الف مبروك مرة تانية .. وعقبال بوليتزر و نوبل :) تحياتى

طارق إمام said...

انا ياجماعة فرحان جدا بالتعليقات الغزيرة اللذيذة دي
ده مبدئيا
...................................
اختي العزيزة لبنى
الله يبارك فيكي يا حبيبة قلبي
بلاش توأم الروح و الجسد دي .. كده هتوقفي سوقي
(:
...................................
az
أقول ايه ؟؟ خلص الكلام كله على رأي ( حماقي )
متشكر يا باشا على الاهتمام و الرعاية و ال 2 كومينت
انتي انسانة جميلة
...................................
شيماء زاهر
شكرا جزيلا .. قلتي الزمالك أخد الكاس امتى ؟؟
ماشي (:
...................................
داليا زيادة
خوة عزيزة و الله يبارك فيكي
مستني أسمع رأيك في الرواية
اقريها بقى !!
...................................الفنان الجامد جدا عبد الله أحمد
ربنا يخليك يا معلم
موضوع نوبل قرب خلاص
بس ادعيلنا
...................................أحمد العايدي
الجميل جميل
و الفنان فنان
اديك عرفت موعد و زمان العزومة
مستنيك يا حبيبي
...............................

طارق إمام said...

frozen love
الله يبارك فيكي
و انشاء الله أشرف انك تقريلي حاجة قريب
متشكر جدا
...................................
شيماء
ربنا يخليكي
حلاوتك محفوظة يا باشمهندسة
100000 شكر
و ربنا يخليلنا كلنا أصحابنا لأنهم فعلا ثروة
...................................
محمد أبو زيد
الله يبارك فيك يا محمد
نفسي اشوفك يابني بقى
...................................
أحمد شافعي
واااااااااااااااااحشني
ارجع بقى انا شايلك فلوس من الجايزة تمشيك يومين
...................................رضوى
الله يبارك فيكي
متشكر جداااا
...................................
وئام
متشكر جدا
و بشكرك أكتر على الخانة المميزة اللي انتي مخصصهالي في مدونتك
ما نتحرمش
...................................
حنين الجميلة
انا هوصلك نسخة من آخر رو اية نشرتها مع نهى
كده ملكيش حجة (:
الف شكر على اعجابك بمدونتي المتواضعة
انتي الأجمل
...................................
me
متشكر جدا
أيوه أنا نفسي بتاع مجلة الشعر
أنا بشتغل فيها و بنشردراسات نقدية شعرية
يا رب تكون عجبتك
سعيد بزيارتك و يا ريت تتكرر كتيييير
مدونتك حلوة أوي على فكرة

تامر said...

مبروك يا عم طارق، وبقالي كام يوم بادور عليك ونفسي أقابلك عشان اجيبلك حاجة ساقعة، بس لأسف مش لاقيك، وعلى فكرة، بادور عليك برضه عشان الأمانة بتاعة ترانتينو، بس انت مستخبي، عموما ملحوقة، ويا سيدي ما جبناش حاجة ساقعة المرادي نجيبها المرة الجاية،( وما الجوائز منكم ببعيد )، وانا متأكد إن المزيد من الجوائز في الطريق إن شاء الله، ومن نجاح لنجاح يا أستاذ طارق

Anonymous said...

طرررووق العزيز
اخيرا أفلحت فى أن انزل تهنئة تستحقها على مدونتى
و لك كل الشكر على نشر كومس-تنا انا و باسم

و ايييييه الشغل الجامد ده يا عم عبد الله
فلللللللللللللللل
مجدى الشافعى

Ihab Fatthelbab said...

مبروك يا معلم على الجايزة اللى اكيد تستحقها ومش عارف اذا كانت هى تستحقك ولا لأ
انت اهلاوى :))))
بس قشطة يعنى :D

Dananeer said...

طارق مبروك متاخره

makhlouf said...

الف مبروك
فين الساقع بقى

LANKASH said...

tari2 ya rafi3 rasna le fooooooo2 fooooo2 fel sama..1000000000000000000000000000 mabroooooooooooooooooook

Anonymous said...

ايه ده بقى
ايه ده
كده برضه يا طارق انا ىعنى آخر من يعلم..
مبرووك من كل قلبى
قد لا تعلم يا طارق ان الجوائز ما بتبهرنيش - رغم اننا تعرفنا بعد فوزى بجايزة الافرو أوسطى- الا اننى فرحان ليك .. مش عشان الجايزة و بس\.. لكن عشان انت فعلا موهوب و تستاهل كل خير
جود لك يا معلم
مجدى الشافعى