Friday, May 02, 2008

بمناسبة نفاد هدوء القتلة .. و ندوة الكتب خان

طارق إمام في أول صورة بعد نفاد هدوء القتلة
(:
من اليمين للشمال : مشيرة محمود ــ مروة عبدالله ــ أنا ــ ابراهيم عادل ــ د. زين عبد الهادي ــ شادي أصلان

كل شيء دعم اليوم الجميل في مكتبة الكتب خان في هدوء المعادي الذي استضاف هدوء القتلة فصار صاخبا ، و على شرف مهندسة الندوة كرم يوسف
ندوة رائعة ، دعمها الحضورالكبير المحب لنخبة من أساتذتي و أصدقائي .. فضلا عمن قرأوا الرواية و جاءوا لمناقشتها ..مناقشة جادة ولا أروع
ثلاث ساعات من النقاش الحميم الممتع كان يمكن أن تمتد لمثلها
و كل هذا كان مغلفا بالخبر المبهج : نفدت هدوء القتلة بعد أقل من 3 شهور على صدورها .. لتكون أولى الروايات النافدة هذا العام .. اللهم دمها نعمة و احفظها من النفاد
(:
سعيد بالحضور المميز لأستاذي مكاوي سعيد ،الذي تحدث بعمق جميل .. و للدكتور زين عبد الهادي بمداخلته المهمة النافذة ،و بصديقي الخاص جدا شادي أصلان ، اللي معايا في كل مكان صحرا ان كان أو كتب خان . شاكر للروائية اللبنانية الجميلة لنا عبد الرحمن التي منحت اليوم لكنة نقدية مميزة .. و لسمر نور و علا الساكت و طه عبد المنعم و إبراهيم عادل
وشاكر لفتاة جميلة اسمها ماريهان ، تعرف كتابتي ربما أفضل مني ، و تملك حاسة نقدية تفوق بعضا ممن يحملون على أكتافهم اللقب المقدس/ د
الثنائي المبهج مشيرة محمود و مي بهاء فعل فعلته كالعادة بدعمي ، و على فكرة الصور دي بعدسة مي الرائعة
و ماوريتا الجميلة ــ مروة عبدالله ــ كانت متألقة ، ده شيء بديهي يعني
(:
.........................
الطبعة الثانية من هدوء القتلة قريبا

37 comments:

هبة ربيع said...

ألف مبروك يا طارق نفاذ الطبعة الأولى وعقبال الــــــ هوا أكبر رقم عرفته البشريه كان كام ؟
:)
كان نفسي احضر لكن معلهش تتعوض وخيرها في غيرها، في انتظار جديدك

شادي أصلان said...

الف مبروك نفاذ الطبعة الاولي وان شاء الله الثانية هتخلص بردو
بجد يا طارق الندوة كانت اكتر من رائعة
مش هقول اكتر من انها كانت ليلة جميلة في حب طارق امام الجميل

مصطفى السيد سمير said...

مبروك يا طارق باشا
تستحقها
بجد

باسم said...

طب كويس إن الواحد لحق له نسخه قبل ما تنفد ، و إنت عارف طبعا يا عم طارق إن دا شئ جميل ، بقولك ايه ، ما تنزل بقية الكتابات اللي لسه ما اتنشرتش و هيا ف حموتها كده ، اعمل زي روايات الجيب كتاب كل شهر
عموما مبرووووووووووووووووك

KING TOOOT said...

كنت موجود معاك بس إنت ماشفتش
و كنت قاعد هناك بس إنت ما عرفتش
علب سجاير كتير و كلام كتير داير
القهوة خلصتها بس المية ماشربتش
وعجبي
KING TOOOT

Reham R. said...

هههههههههههههه طب مش كنت تسيبلي نسخة في ميريت قبل ما تنفد؟؟ راجع تعليقي على تدوينة سابقة، هتلاقي اني كنت بتحايل عليك وانت طنشتني، ويمكرون ويمكر الله
أجيبها منين دلوقتي؟؟
انما صورتك قبل النفاد حاجة، وصورتك بعد النفاد حاجة تانية!
يا سلام! أكيد كل واحد من قرائك دلوقتي الدنيا مش سايعاه لامتلاكه الطبعة الأولى من الرواية، واللي أصبحت حاجة من الماضي خلاص!
هههههههههههه أنا بهزر معاك اوعى تزعل! هو هزار رخم أنا عارفة، بس بيني وبينك، بحب أحطلك شوية فلفل وكمون، وسط تعليقات كلها زي العسل :)، وهو ضرب من الرخامة، وليس ضربا من الحشيش!
وصباح الفل :)))

إبـراهيم ... معـايــا said...

حقيقي كان يوم ممتع يا طـارق، ولن أمل من أن أقول لك ألف مبروووك ،،، كانت جميلة كلمة كرم، وموحية لما قالت إن الشيء الجميل صعب وصفه، أو اللي حبيناه ، كنت رايح بدور على إجابة لسؤال لماذا أحببت هدوء القتلة ؟؟؟ ، فوجدت الإجابة لأني أحبها ......:)

حقيقي حاسس بمشكلتك، لكن موقن إن شاء الله إن القادم أجمــــل

بالنسبة لنفاذ الطبعة الأولى فأحب أقول إني معايا نسخـة زيااادة ، للي عاوز يعني :)
وتحياتي وفراولة بالزبادي

dodda said...

يا بوست مش معدى!!!!!
كل دول قلت انهم كانوا هناك وانا مجبتش سيرتى؟؟؟
كان لازم اسيب ابله الناظره تفترسك
يا بتاع سفن اب انت
محروم من تشريفى لاى حاجه بعد كده

طارق إمام said...

هبة ربيع
الله يبارك فيكي يا هبة يا جميلة
و طبعا حضورك كان يسعدني جدا بس الجايات أكتر انشاءالله
بالنسبة لأكبر رقم عرفته الشرية فهو كتيييير بس مش عارف كام
(:
و اسمحيلي أشكرك مجددا على مقالك البديع عن هدوء القتلة و اللي بجد بعتز بيه بشكل استثنائي و برجعله دايما
...............................
شادي أصلان
ربنا يخليك و يبارك فيك يا شادي
و الله الندوة كانت جميلة بيك
و الرواية جميلة بقرايتك
انا ممتن ليك
..........................
مصطفى
الله يبارك فيك يا مصطفى
متشكر جدا

طارق إمام said...

باسم
الله يبارك فيك يا باسم
واقتراحك محل دراسة
12
رواية في السنة مثلا
يادوبك
(:
................................
king toot
منورني يا ملك
لازم أشعارك اللي منورة بلوجي دي نضمها بقى
(:
و هسيبلك حرية اختيار اسم الديوان
قشطة؟
................................
ريهام رجب
أهلا بفلفلك و كمونك وشطتك كمان
(:
أنا عرضت عليكي اسيبلك نسخة هدية وانتي اللي اتنططي بقى
استحملي
عموما مابلاش نتكلم في الماضي
و خلينا في الطبعة التانية
أسيبهالك فين؟؟
ههههههههه
و عموما كلامك ليس ضربا من الرخامة و لا من الحشيش .. إنه ضرب من الشمس
يعني : منورة

طارق إمام said...

ابراهيم عادل
انا اللي بشكرك يابوخليل والله على كل ماغمرتني به من محبة
مانت مغاميري بقى
(:
و حبك لهدوء القتلة حاجة باسطاني بجد
و عموما الحب من غير سبب في الأدب منتهى الأدب
كل الشكر يا صديقي
و بالنسبة للنسخة الزيادة
ده عرض خاص جدا
هاه .. مين عاوز ؟
...............................
dodda
ااااااااااااااااسف
ماتزعليش و النبي
انا مقدرش على زعلك
خلاص صافي يا لبن؟؟
مستنيكي الندوة الجاية
(:

عمر أسامة الباز said...

و الله يا طارق كنت هعيط عشان اجى
بس أعمل ايه فى الثانوية العامة و قرفها و زهقها

كان نفسى أقابلك و أقابل دكتور زين و ميكى

بس الظروف مسمحتش

المهم البنت الحلوة بتاعت ديوان جت ;)

علي الالفي said...

الف مبروك يا عمى

طارق إمام said...

عمر
الله يبارك فيك يا جميل
و كإنك جيت بالظبط
و عموما الجايات أكتر انشاءالله
بس ركز في الامتحانات لإنها أهم من الندوات و من الفتيات الجميلات
((:
..........................
على الألفي
علللللللللوة
ربنا يخليك يا فنان
واحشني جدااااا

دكتور مستكنيص said...

ألف مبروك يافندم وعقبال يارب الطبعة التانية ورغم اني مقريتش الرواية الا اني مسمعتش حاجة سلبية عنها لحد دلوقت ان شاء الله اقراها في الطبعة التانية
تحياتي

emoo said...

مبرووووك
متحمسة جدا اني اقرأ الرواية
شيلولي نسختي بقا انا جاية بعد شهر
ويارب ناجح دايما

Reham R. said...

سوري مش قصدي
كنت بهزر بس
عموما، ربنا يسهل

mohamed kamal hassan said...

يعنى نقولك مبروك
ولا نخضك بكلام كبير من قبيل المسئولية يا فندم والقارئ المنتظر
أنا عارف انك بتحاسب نفسك كتير
ولا مكنتش تطلع كتابة حلوة بالشكل ده


ايه اللى انا بقوله ده

ياعم طارق ألف مبروك
وعقبال اعمالك الكاملة ونفادها كمان
صباح الفل
((:

باسم شرف said...

مبرووووووووووووووك يا طروق نفاذ الطبعة الاولي
هي فرحة لسببين انها عجبتني بشكل كبير وثانيا انه به كتابة من العيار التقيل وبالرغم من ذلك باعت زي الكتب البوب ارت وده نجاح للكتابة في حد ذاتها

Mo7ammad said...

يا طارق ماتعرفش أد ايه أنا أعجبت هدوء القتلة و ألف مبروك بجد نفاد الطبعة الأولى

كان نفسى أكون موجود فى الندوة اللى كان فيها ابراهيم عبد المجيد و مكاوى سعيد ( مع حفظ الألقاب ) و الامتحانات منعتنى بس خيرها فى غيرها .. باحييك يا طارق

xxmxx said...

عبقرية تسير بمحاذاة الجنون##

the magical realism

*السماء لا تحتاج لساقين سليمتين للتحليق*
merci

شكرا
thank you

محمد إبراهيم محروس said...
This comment has been removed by the author.
محمد إبراهيم محروس said...

الف مبروك يا باشا
وإن شاء الله
تنفد الطبعة التانية والتالتة والرابعة
والخمسة
الف الف مبروك
خالص تحياتي

Anonymous said...

حتى لو كان القتلة يتحلون بالهدوء
فسوف أكون في قمة صخبي وأنا أقتلك
إذا لم تعرف من أنا؟
فليس من اللائق أن لا تتذكرني حتى ولو بعد كل تلك السنين

س.م

ميشيل حنا said...

ألف ألف مبروك يا عم طارق، وعقبال الطبعة رقم 13 :)

wa7ed 2ensan wnsan said...

انا سمعت اخبار جامده عن الروايه بس للاسف معرفتش اجيبها لسه ما نزلتش في اي مكتبه من المكتبات الكبيره اللي في المحله وكمان ثانويتي العامه تعترض على كل القراءات فيما خرج عن المنهج الدراسي ( والدستور طبعا ) ولذلك ادع لي ان انتهي من لك الشهر على خير قبل ما يجيلي شلل

مصطفى محمد said...

سلامو عليكو

مبروك نفاد الطبعة الأولي

:)

hesterua said...

الف مبروك يا طارق على نفاذ الطبعة الأولى وعقبال التالتة والرابعة
:)
كنت منور التيلفزيون ,, كنت راجع من الشغل الساعة 2 بالليل ولقيتك منور انت والطاهر شرقاوى ,,,, قلتلهم بس ده صاااااااااااحبى
:)
مبروك يا جميل

دعاء مواجهات said...

الف الف مليووون مبرووك ياطروووووق

انا بقى عاوزة اوصلك من زمان

بحب كلاامك اوى وبمووت فى تفاصيل رواياتك على صفحات الدستور

تاخذنى معك وتدهشنى وتجعلنى بعد قراءة كل قصة لااااازم اتنح وافكر ودة شئ مهم جدا طبعا

احب احييك اوى اوى اوى على كل حرف وكل جرة قلم وكل شخبطة عملتها اونت واخد بالك او وانت مش واخد لان اكيد بردو هيكون ليها معنى عاالى جدا جدا جداا

لو فاضى ادينى شرف زيارتك لمدونتى المتواضعة ياطااارق باشا

سلااااامى وتحيااتى لاجمل طاااارق فى الدنيا كلهاا

ahmed said...

مبروك يا عم طارق . عقبال ما نشوفك كاتب كبير كدة و مشهور و أترجمك للاسباني كمان يا عم .
أحمد عبد اللطيف . زميل مهنة

ahmed said...

علي فكرة يا طارق أنا تقريبا متابع كتاباتك في البوج و الدستور. بس للأسف ما قريتلكش كتب .بس اوعدك هاقري لك قريب و اوقول لك رأيي. و من يعلم يمكن تقبلني يا عم و نبقي صحاب. ما أنا تلاتيني برضو.أحمد عبد اللطيف

mostafarayan said...

الف مبروك يا طارق علي نجاح الرواية
و عقبال الطبعة ال100
بخصوص البوست السابق انا رأيي ان الكاتب الأصيل هوالذي يستطيع ان يصل لقلب القارئ بدون اي تحفظات او مشاكل نحن بشر نكتب عن البشر فلم التحفظ في علاقتنا بالقراء القارئ هو اخي او ابي اوامي اواختي او صديقي اوانا
ليس هاك اي داع ليكون هناك فرق بين الكاتب وقارئه بخصوص نكتب ايه علشان نحافظ علي القراء انا شايف ان القراء حبوناعلشان كتبنا بفطرتنا فنفضل زي ماحنا نكتب بالفطر ة من غير تحذلق علي القراء نكتب كلام من القلب علشان يدخل قلب القارئ من غير استئذان
تقبل مروري وتحياتي
ولو كان عندك وقت يشرفني جدا انك تزور مدونتي وتقولي رأيك فيما اكتب

LAMIA MAHMOUD said...

مبروك يا طارق
هي كانت تستحق

كراكيب said...

طارق باشا.. مبروك جدا خالص اوي على نزول الرواية وده كان لازم يحصل من زمان
حكاياتك في ضربة شمس اكتر من رائعه وربنا معاك ويوفقك وتنزل طبعات كتير وكتير
والرواية هقراها وهدخل اقولك رأيي بالتفصيل الممل

أسما عواد said...

مبروك يا طارق
عقبال الطبعة التانية وعقبال ما تنفذ هي الأخرى

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

Blogger said...

.انضم إلى eToro وقُد ثورة التكنولوجيا المالية

اكتشف eToro شبكة التداول الاجتماعي الرائدة في العالم حيث يحقق ملايين المستخدمين أرباحًا عن طريق نسخ تصرفات التداول التي يقوم بها أفضل المتداولين.