Friday, June 01, 2007

يمكن

مين عارف
مش يمكن الصدفة تكون بطل الحكاية؟
مش يمكن تكون هيه النور اللي في نهاية نفق اللحظات المترتبة اللي ملهاش معنى؟
مش يمكن؟؟
........................

9 comments:

KING TOOOT said...

الصدفة ساعات بتحقق حلم من الأحلام
و ساعات بتكون احساس كذاب و سراب اوهام
وساعات بتكون مليانه كمان أفراح و نجاح
و ساعات بتفرقع جوّانا فَشَر الألغام
و عجبي
KING TOOOT

REEMOO said...

يمكن

rosealia29 said...

آه طبعا يمكن ..

ده احنا مهما حاولنا نقنع نفسنا بإننا أصحاب القرار .. تيجي الصدفة تلعب دورها و تقولك و إنت في عز نشوتك الكلمة الأخيرة دايماً بتكون ليها ..

و علشان كده .. مؤمنة بإنها هتجمع في يوم من الأيمام كل أحلامي و امنياتي و تنظمها في خيط رفيع .. و ده مش يمكن .. لا ده إن شاء الله أكيد ..


أهم حاجة الإيمان ..

shaimaa said...

والحكاية و الدنيا ايه .. غير شوية صدف ورا بعض

باسم شرف said...

هههههههههه
كل شئ في الدنيا ممكن وانت بس اللي اكيد علي راي عمر طاهر
وطبعا الكلام عن ربنا مش عليك

قشطة

YHYيــوســف الـمصـرى said...

كل شىء جايز !!!
يمكن !!
تحياتى

كريم بهى said...

الصدفة
لمحة من ملامح القدر
والقدر .. ريح اعاصير برق ومطر
او روح تنضم على روحك
من جنون المعانى وغسيل الشجر
او فرحة لا نعرفها .. الا فى عيون القمر
هذا هو القدر
اما الصدقة
هى انت .. يا طارق ياامام


تحياتى
كريم بهى

شيماء زاهر said...

مش عارفة، بس عمري ما حسيت إن الصدفة ممكن تلعب دور كده في حياة حد، ولو حصلت باحسها بتبقى مكافأة لك على أيام تعب سابقة.

يعني مثلا تبقى بتلف تلت أيام في محالات عشان تشتري قميص معين ، وما تشتريش حاجة، ويوم تاني وأنت بتركن العربية تلاقي محل جنبك ، تدخله وأنت متأكد إنك مش حاتشتري حاجة ، فترجع بقميص ومعاه حاجات زيادة ما كنتش ناويها

أنا عارفة إن المثال ده قد يبدو ساذج بس واقعي جدا، وبيحصل كثير بالنسبة الي ع الأقل

امرأة تقول الذي لا يقال said...

لو فضلنا طول حياتنا مستنيين الصدفة مش هنعرف نعيش