Sunday, December 03, 2006

الحفلة
دي بعض صور الحفلة اللي عملها _ مشكورا _ حبيب قلبي محمد حماد و استضافها في بيته الجميل
و اللي تم تصويرها بكاميرا حبيب قلبي برضه أحمد العايدي
كان يوم حلو جدا بفضل : محمد حماد _ أحمد العايدي _ باسم شرف _ أحمد محب _ أحمد وائل
دي فرصة اني أشكرهم خصوصا انهم غمروني بالهدايا _
شكرا لكل أصحابي
نردهالكم في الأفراح يا رجالة ,
من اليمين للشمال : أحمد العايدي , محمد حماد , أنا , باسم شرف , أحمد وائل
ده أنا في النيولوك الجديد
باسم أصر انه يتصور معايا لوحده ..و أنا الحقيقة ما مانعتش .. لازم أشجعه
أحمد محب في شمال الصورة .. الباقي عرفتكو عليهم .. كله كان مركز في الصورة ما عدا باسم شرف .. فضل الشاي عليا متشكرين ياعم باسم ..

11 comments:

باسم شرف said...

طارق باشا
يامعلم الحقلة دي كان المفروض مصر تعملها ويجي رأفت الهجاص اقصد الهجان يسلمك الدرع بس خد بالك ليكون فيه مايك سري يسجللك اصل انا عارف شغل القناة الاولي ده

انت يا طروق تستحق اكتر من حفلة لانك كاتب مهم ولغتك مش عادية والله وان شاء الله شغلك هيترجم وابقي قول باسم قال

لكن التسيحة اللي عملتها لي زملكاوي وعددتها .. لكن اشرب الشاي وتبص لي فيه دا انا مقبلوش ابدا

مبرووووووووووك يا طارق

Shaimaa Zaher said...

الف مبروك يا طارق..و ع الهدايا

:)

Anonymous said...

صور حلوة أوي يا طروق
ربنا يخليكم لبعض

AZ said...

ماطبعا لازم يركز مع الشاى وينفضلك
متوقع ايه من واحد زملكاوى يعنى!!!

كراكيب نـهـى مـحمود said...

مقلتليش يا طارق الاطباق الفاضية المتصورة جنيكم دي كان فيها ايه ؟؟؟
وبعدين يا باسم هوه انت لسه زملكاوي فكر يا ابني شوية بكرة يقبضوا عليهم
مبروك يا طارق تحياتي يا باسم

طارق إمام said...

باسم
حبيبي
مش هينفع أقولك انت ايه بالنسبالي لأنك عارف
شكرا يا معلم على كل شيء
................................
شيماء زاهر
الله يبارك فيكي يا شيماء
و مبروك الجايزة بتاعتك
هديتك عندي محفوظة
................................
لبنى
شكرا يا جميل
................................
az
معاكي حق
ده عيب باسم الوحيد
بس هنعمل ايه
البني آدم مننا بيتولد لابس فانلة ناديه
.................................
كراكيب
ازيك يا نهى
الأظباق كان فيها فيل .. قصدي جاتوه
و النبي كلمي باسم في موضوع الزمالك ده يمكن يعقل
(:

Anonymous said...

u r the man!:D we r surviving 'cos threre's causes of life..like u and ur friends..gifted writers..
congrs dude..."AGAIN!" :D

makhlouf said...

مبروك
ياطارق
يارب تبقى حياتك كلها حفلات

طارق إمام said...

وئام
شكرا .. حتى لو مش بتحبي كلمة شكرا (:

مخلوف
الله يبارك فيك يا أبو الفن

hicham rahmah said...

yanhar 2abyad dool el samurai el 5
3ozama2 fe sora wa7da

Unknown said...

صور حلوه شكلك مختلف فى الصور دى (مئه عام من العزله