كان نفسي أطلع صاحب ( بار ) ... كل زبايني ناس جايه تسكر ، و انا الوحيد اللي فايق وسطيهم.. أنا الوحيد اللي شايف هزايمهم بتتدحرج مع طرقعة الغطيان و فوران رغاوي البيرة
أراقبهم و هما مجروحين بعد حروبهم الحقيقية .. و حروبهم الفالصو
و اشوف أحلامهم و هيه بتسيب القمصان و البنطلونات و تنام تحت الكراسي
لكن يا خسارة
أنا مجرد واحد من الزباين دول ، و زي أي مريض لازم أدفع تمن البنج علشان يبقى من حقي أغمض عينيا
.............................
عارف ان صاحب البار بيتفرج عليا كل مرة باستمتاع
و بضطر كتير أعمل مش واخد بالي لما يغالطني في الحساب و يزود تمن قزازة ما شربتهاش
لإني هتألم جدا
لو صدقت إني بعد كل الشرب ده
! لسه فايق
24 comments:
واحد يروح يشرب و يقوم ماهوش شايف
و واحد يكون على طول فايق عشان خايف
الأولاني ضعيف و الثاني مش بيشوف
في الدنيا غير كوباية و خمرة و شفايف
وعجبي
كان نفسي أوي أكون فكرة بتحرر من عقل أديب حاير
اسكن لحظة الميلاد واموت على الورق اتوصم بالوجود بالحبر
من الحزن والشجن والهزايم أصنع عالما متألقا كما النجوم يبهر الضوء العيون ويعلم النجم وحده انه حزين
عبقري يا طارق حلو اوي اوي اللقطات اللي بتلمسها بقلمك
بص يا طارق
انا اشتغلت فترة طويلة بارتندر, طول الليل بصب للناس هباب ازرق و اتفرج على عقول غريبة, اتعودت اكون صاحب كل الناس فى البار و اسمعهم و اعمل لهم بهلوان لو لزم الأمر!!بس طول الوقت كنت بتفرج على الانسان اللى بيطلع من ورا القناع و يبان كل المستخبى,
الناس لما بتسكر بتبقى رقيقة جداً أو زبالة جداً, و الحاجة البسيطة بيشوفوها قضية حياة او موت, و ارجع للبوست بتاعك و اقولك ان لو انت بقيت الوحيد اللى فايق وسط السكرانين هتكتشف ان الانسان ده تافه تفاهة و ضعيف ضعف لا يصدق
-----
بالرغم من لمحة التمرد الحزين بتتفوق على نفسك فى الكتابة حتى بالعامية
تسقيف حااااااااار
حلوة أوي يا طارق
بالذات آخر جملة
" لإني هتألم جداً..لو صدقت إني بعد كل الشرب ده...لسه فايق "
حلوة قوي ياطارق
مدهش انت دائما
عميقة أوي .. ومؤلمة أوي ..
هارجعلها تاني .. علشان عايزة احسها اكتر .. و هاقولك حسيت ايه ..
نفسك تكون صاحب البار
علشان تستمتع؟
ولا علشان تتعلم؟
ولا علشان تنسى همومى بمتابعه هموم الناس؟
ولا علشان اللى بيشوف هموم الناس بتهون عليه بلوته؟
عجبنى أوى اسلوبك
وعجبتنى فكره البوست أكتر
تحياتى واحترامى :)
نفسي أرد بدالك على كتير من التعليقات دي يا طارق
الله الله
بقولك ايه ....شوف نفسك فى السيناريو
بجد دى لقطة خطفتنى يا عم طارق
شلال شجن بجد م اللى بيخلى الواحد يبص لنفسه وحواليه
بوركت يا مبدع
جميل أوي ...
أن تكون صاحب بار ، ترعي الأحلام و هي تنمو بعيدا عن أصحابها ، تربت علي الهزائم و تشاهد المشهد ألف مرة
ان تزور البار ، ك كومبارس في فيلم لا يعرف فيه الأبطال دورهم فيرتجلون نفس المشاهد كل مرة
ان تتعود علي نسيان ذاكرتك في المونتاج ........
جميل أوي يا طارق
إيه يا باشا الحلاوة دى
نبطل كتابة عشان تستريح
(:
بحبك يا طرووق
انا في واحد صاحبي مره قالي ان لاحياه عامله زي الخمره مره ومؤلمه
معرفش ليه انا بلمت لما قريت البوست ده
مدهش كالعاده يا طارق
غريب جنس البشر .. بيدفع بالغالي علشان ينسى الرخيص ..
و بيزيح ألم الرخيص بإللي أرخص منه .. و يدخل دوامة و حلقات الرخص إللي ممكن توصله إنه يرهان على أعضائه عين فا اييد يا رجل فا قلب فا رئة ..
مشهد عامودي وقف للحظات عقارب الساعة على لحظتين .. الأولى لبني آدام داخل حانة علشان ينسى .. و التاني لنفس البني الآدام خارج من نفس الحانة افتكر اكتر من إللي كان عايز ينساااه ..
بوست في الصميم يا طارق .. بجد 10/10
:(
:(
مش يمكن صحاب البار حقدان عليك
لأنك مش فايق
لأنه مش قادر يكون غير فايق ؟
متحولش تفوق ...لما أنت سكران وده حالك فى البار ...أمال لما تفوق ؟؟
صاحبت ناس م الخمرة ترجع وحوش
و صاحبت ناس م الخمرة ترجع بشر
تحياتي لهذه التدوينة الأكثر من رائعة
الملك المتوج كينج تووت
انت مش ممكن
و الله مالاقي كلام أحييك بيه
(:
...........................
نهى محمود
انتي كتلة شجن يا بنتي
متشكر جدا
..........................
موودي
انت اشتغلت كل حاجة يابني؟؟؟
احساسك بالبوست جه مختلف لإنك عشته قبل ما تقراه
مساء البراندي يا نجم
.............................
لبني
منورة
ربنا يخليك ياجميل
..............................
باسم شرف
أهو إنت
(:
...............................
reemo
تصدقي كل أسئلتك أصعب من بعض؟؟
فكرت فيها كلها و لقيت ان كل سؤال فيها يحتمل إجابة منطقية
عموما أنا مولع بفكرة الشخص اللي بيراقب و يتلصص ، و بشوفها جزء من عملي سواء كروائي أو كصحفي .. لإني في الحالتين محتاج أندمج بذهني زي ما بندمج بخبرتي المباشرة
لكن للأسف الإنسان ما يقدرش يكون كل الناس اللي بيشوفهم و إلا هيبقي لا أحد
بحييكي على التعليق اللي استفزني و فتح جوايا طاقات أسئلة
بالمناسبة
البلوجين بتوعك لطاف جدا
وبلوج الأزياء خفيف الظل أوي
طبعا لو الموديل المحجبة دي انتي هسمح لنفسي أعاكسك
(:
................................
rosealia
طب أقول ايه؟؟؟
تعليقين واحد فيه انطباع أولي و التاني قراءة عميقة للي كتبته
أنا فرحان يا روز
مش مصدق ان فيه حد ممكن يدي الوقت ده علشان يتأمل بوست
أنا بعتبر تعليقك التاني بوست مستقل يتداخل و يتفاعل و يتواشج مع ما كتبت
عميق و متساءل لذا فهو مدهش
تحليلك لفكرة الزمن عبقرية
عبقرية فعلا و حساسة
متشكر لجهدك ده
و ممتن
أحمد شافعي
(:
من حقك ترد يابو حميد
البوست ده يخصك بشكل أو بآخر
............................
هيستريا
كيفك يابوحميد؟؟؟
على فكرة أنا بكتب سيناريوهات بالفعل
متشكر لقرايتك الشجية
و محبتك يا فنان
...............................
شيماء زاهر
انتي الأجمل يا شيماء
متشكر جدا
................................
سيد العارفين
انت كاتب قصيدة نثر يا صديقي و ليس تعليقا
كتابة جميلة
جمييلة
...................................
محمد كمال حسن
يا مساء الورد
يا عم انت اللي خطر على الحياة الثقافية
بطل تواضع
(:
حبيبي
................................
أحمد وائل
ربنا يخليك يا جميل
عايزينك تفضى و نقرا سوا بقى
...............................
نوران
ههههههههههههه
تعليق جمييل
و الله أنا شخصيا بستغرب الناس اللي فايقة علطول دي
...............................
الفنان أشرف حمدي
يارب يخليك يا فنان
و مبروك الجواز
يالله شد حيلك
عايزين أطفال فنانين يكملو مسيرة أبوهم الجميلة
هيفضل فايق
mmm...and mmm...and...mmmm..
mabd2yan..deh a7la omnyt sho3'l sme3taha fe 7yate :)
من الممكن ان تعيش الحاله التى تريدها حتى وانت مش سكران انو تكون واعى للناس الى حولك لان الناس من دون مشروب اصحوا سكرانين فى مشكاكلهم الخاصه الحياه واخداهم لعالمهم الخاص مافيش شخص واعى للتانى وموضوع انا هتالم لازم تتالم لانك اوحيت لنفسك انك سكران فسكرت ولا اظن انك انك سكران انت واعى الفكره جميله (مئه عام من العزله )
Post a Comment